იანვარ-თებერვალში ადმინისტრაციულ სამართალდარღვევებში გადახდილი ჯარიმებით ბიუჯეტში 36 მილიონი ლარია შესული
გამოქვეყნდა:
სახელმწიფო ხაზინის მონაცემებით, იანვარ-თებერვალში ადმინისტრაციული სამართალდარღვევების გამო გადახდილი ჯარიმებით და საურავებით ბიუჯეტში 36 202 345 ლარია შესული. აღნიშნული მაჩვენებელი განსაკუთრებით გაზრდილია ბოლო 3 წელში და 2022 წელთან შედარებით გაორმაგებულია.
საქართველოს 2025 წლის ნაერთი ბიუჯეტის შემოსულობების თანახმად, ტრანსპორტზე საგზაო მეურნეობისა და კავშირგაბმულობის დარგში ადმინისტრაციული სამართალდარღვევების გამო დაკისრებული სანქციებიდან შემოსავალმა 32 072 048 ლარი შეადგინა.
საგზაო მოძრაობის წესების დარღვევის გამო დაკისრებული ჯარიმები 24 784 839 ლარი.
დედაქალაქის ტერიტორიაზე ავტოტრანსპორტის პარკირების წესების დარღვევის გამო გადახდილი ჯარიმებით ბიუჯეტში 1 416 079 ლარი შევიდა.
უბილეთო მგზავრობის გამო 227 472 ლარი.
სისხლის სამართლის კოდექსით გათვალისწინებული სამართალდარღვევების გამო სანქციებიდან 3 833 538 ლარი.
პერსონალური მონაცემთა დაცვის სფეროში სამართალდარღვევის გამო სანქციებიდან 40 500 ლარი.
იხილეთ ასევე
რა თანხა შევიდა იანვარში ბიუჯეტში ჯარიმებით და სანქციებით
ავტორი: ნინო ზედგენიძე
