გორში ორ ადამიანს ესროლეს. შემთხვევა წმინდაწყლის უბანში მოხდა - ინფორმაციას ადგილობრივი მედია "ქართლის ამბები" ავრცელებს.
როგორც გამოცემას ადგილზე უთხრეს, რამდენიმე გასროლის შედეგად დაღუპულია ახალგაზრდა მამაკაცი. მეორე კი წინასწარი ინფორმაციით, დაჭრილია.
დაუდასტურებელი ინფორმაციით, ცეცხლი მამა-შვილს გაუხსნეს, რის შედეგადაც შვილი ადგილზე დაიღუპა.
სხვა დეტალები უცნობია. ინფორმაციას შსს-ში ვამოწმეთ.
