სროლა და დაჭრა სალომე ზურაბიშვილის სახლის მახლობლად | შსს-ს ცნობით დამნაშავე დადგენილია
გამოქვეყნდა:
გუდიაშვილის ბაღის მიმდებარე ტერიტორიაზე ურთიერთშელაპარაკება დაჭრით დასრულდა. შემთხვევა გასულ ღამეს, საქართველოს მეხუთე პრეზიდენტის სალომე ზურაბიშვილის სახლის მახლობლად მოხდა. ინციდენტის შესახებ თავდაპირველად ინფორმაცია ზურაბიშვილმა გაავრცელა.
როგორც "მთავარს" შსს-ში განუცხადეს დანაშაულის ჩამდენი პირი დადგენილია და მისი დაკავების მიზნით, საქმეზე მიმდინარეობს ყველა შესაბამისი საგამოძიებო მოქმედება.
"საქართველოს შინაგან საქმეთა სამინისტროს, თბილისის პოლიციის დეპატრამენტის ძველი თბილისის მთავარ სამმართველოში მიმდინარეობს გამოძიება ცეცხლსასროლი იარაღის უკანონო შეძენა-შენახვა-ტარებისა და ჯანმრთელობის განზრახ ნაკლებად მძიმე დაზიანების ფაქტებზე. (სსკ-ის 236-ე და 118-ე მუხლებით.)
გამოძიებით დადგინდა, რომ მიმდინარე წლის 3 მაისს გუდიაშვილის ბაღის მიმდებარე ტერიოტორიაზე უცნობ პირებს შორის მოხდა ურთიერთშელაპარაკება, რა დროსაც ცეცხლსასროლი იარაღით დაიჭრა ორი პირი, რომლებიც კლინიკაში გადაიყვანეს და მათ ჯანმრთელობას საფრთხე არ ემუქრება.
საქმეზე გატარებული ოპერატიული ღონისძიებების შედეგად სამართალდამცველების მიერ დადგენილია დანაშაულის ჩამდენი პირი, რომლის დაკავების მიზნით, საქმეზე მიმდინარეობს ყველა შესაბამისი საგამოძიებო მოქმედება." - განუცხადეს მთავარს უწყებაში.
იხილეთ ასევე
