დაჭრა თბილისში - საბურთალოზე, ოთარ ჭილაძის ქუჩაზე კაცი დაჭრეს. როგორც თვითმხილველებმა "მთავარს" მიაწოდეს ინფორმაცია, შუახნის კაცს სხეულზე დაზიანებები დანით მიაყენეს, რის შემდეგაც დამნაშავე შემთხვევის ადგილიდან გაიქცა. ადგილზე სასწრაფო სამედიცინო დახმარების ბრიგადა გამოიძახეს, რომელმაც დაჭრილი საავადმყოფოში გადაიყვანა. "მთავარს" შსს-ში განუცხადეს, რომ გამოძიება სსკ-ის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.
