დღევანდელი მონაცემებით საქართველოში თებერვლიდან 10 000-ზე მეტი ადამიანი ინფიცირდა
გამოქვეყნდა:
26 თებერვალს საქართველოში კორონავირუსის პირველი შემთხვევის დადასტურების შემდეგ, ქვეყანაში 10 000-ზე მეტი კოვიდშემთხვევა გამოვლინდა და ეს რიცხვი, Stopcov.ge-ს ბოლო მონაცემების მიხედვით, 10 225-ია.
ყოველდღიურად ინფიცირებულთა რაოდენობის რეკორდულად ზრდა სექტემბრიდან დაიწყო და შემთხვევებმა პიკს 5 ოქტომბერს მიაღწია, როცა დღე-ღამის განმავლობაში 578 ადამიანი ინფიცირდა. დადასტურებული შემთხვევების შესამჩნევმა მატებამ სიკვდილიანობის ზრდაც გამოიწვია და თუ 1 სექტემბერს საქართველოში კორონავირუსით გარდაცვლილთა საერთო რაოდენობა 19 იყო, დღეისთვის ეს რიცხვი უკვე 66-ია. [ქვეოთ იხილეთ worldometers.info-ს ვიზუალური მასალა]
ბოლო მონაცემებით საქართველოში:
- კორონავირუსით ინფიცირებულია - 10 225
- გამოჯანმრთელებულია - 5 553
- მათ შორის გარდაცვლილია - 66
- კარანტინის რეჟიმში რჩება - 5 574
- კოვიდ სასტუმროში მყოფი პირები - 1 338
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
