ტვ "პირველის" ჟურნალისტს სიმონ შანავას კორონავირუსი დაუდასტურდა. ამის შესახებ მან "ფეისბუქზე" თავად დაწერა. მან ის სიმპტომებიც ჩამოთვალა, რაც ვირუსის დადასტურების დღიდან აქვს.
როგორც ჟურნალისტი წერს, პირველი სიმპტომი 6 დღის წინ აღენიშნა.
დღე 1.
ვიგრძენი ყელის ტკივილი, მაგრამ 2 საათში გამიარა.
დღე 2.
თავის საშინელმა ტკივილმა შემაწუხა.
დღე 3.
მომცა სიცხე 37.3 .
დღე 4.
დავკარგე ყნოსვის შეგრძნება.
დღე 5.
ყნოსვასთან ერთად გემოს შეგრძნებაც დავკარგე.
დღე 6 .
არ მაქვს სიცხე, არც ყელი მტკივა და არც ვახველებ, უბრალოდ, სუნს და გემოს ვერ ვგრძნობ” ,- წერს შანავა "ფეისბუქზე".
ეს არაა პირველი შემთხვევა, როცა ჟურნალისტი კორონავირუსით ინფიცირდა. რუსთავი 2-ის თეონა ცხომელიძე და ტვ-პირველის ვიკა ბუკია, უკვე გამოჯანმრთელდნენ.
