დღეს ფონიჭალაში სამართალდამცავებმა ავტომობილი ქუჩაში შეაჩერეს და ჩხრეკის შემდეგ ორი პირი დააკავეს.
არსებული ინფორმაციით, სპეცოპერაცია ნარკოდანაშაულს უკავშირდება, თუმცა შსს-ს კომენტარი ან რაიმე სახის განცხადება ჯერჯერობით არ გაუვრცელებია.
ადგილზე მობილიზებული იყო ოპერაციული საგამოძიებო ჯგუფი და შეიარაღებული, სპეც-დანიშნულების რაზმის წარმომადგენლები.
