ბრიტანული ცენტრის წმ. ნიკოლოზის სკოლის ორ პირველკლასელს კორონავირუსი დაუდასტურდა
გამოქვეყნდა:
ბრიტანული ცენტრის წმინდა ნიკოლოზის სკოლაში კორონავირუსი ორ პირველკლასელს დაუდგინდა. გავრცელების სავარაუდო წყარო ერთ-ერთი ინფიცირებულის ბებიაა. წმინდა ნიკოლოზის სკოლამ კონტაქტური სასწავლო პროცესი უკვე შეწყვიტა.
ტესტირებას კლასელებს მშობლები უტარებენ ინდივიდუალურად, ვესაუბრეთ ჯანდაცვის სამინისტროს შესაბამის სამსახურს, მივიღეთ რეკომენდაციები და დაწყებითი საფეხურის მოსწავლეები 2 კვირით გადავიყვანეთ ონლაინ სწავლაზე, - თქვა სკოლის დირექტორმა.
მოსწავლეები 2 კვირით - პირველ ნოემბრამდე - სწავლის ონლაინ რეჟიმზე გადავიდნენ.
