ზუგდიდის ინფექციური საავადმყოფოს ლაბორატორიაში, კორონავირუსზე რეგიონის მასშტაბით, 279 ნიმუში გამოიკვლიეს, აქედან 65 -ზე პასუხი დადებითია.
48 შემთხვევა დაფიქსირდა ზუგდიდში, მათგან 44 უკვე დადასტურებული შემთხვევის კონტაქტებია, ხოლო 4- ახალი შემთხვევაა და ისინი რუხისა და "ევექსის" კლინიკებში, ცხელებით შესული პაციენტები არიან.
ზუგდიდის შემთხვევებიდან 33 ე.წ. ბაზრის კლასტერია, ისინი ცენტრალური ბაზრის თანამშრომლები არიან. ამ დროისათვის ისინი თვითიზოლაციაში არიან და მდგომარეობა დამაკმაყოფილებელია.
- 4 შემთხვევა დაფიქსირდა წალენჯიხაში - 3 დადასტურებული შემთხვევის კონტაქტია
- 3 შემთხვევა დაფიქსირდა ფოთში, მათგან 2 უკვე დადასტურებული შემთხვევის კონტაქტია, ხოლო 1-ზე მიმდინარეობს მოკვლევა და ინფიცირების წყაროს მოძიება.
- 1 შემთხვევა ჩხოროწყუ-დადასტურებულის კონტაქტი.
- 2 შემთხვევა სენაკში -ორივე დადასტურებულის კონტაქტი.
- 2 შემთხვევა ხობში - ერთი ტექსტილის საწარმოს ინფიცირებული თანამშრომლის კონტაქტია, ხოლო მეორე ახალი შემთხვევაა და წყაროს კვლევა მიმდინარეობს.
- 2 შემთხვევაა მესტიაში - ორივე დადასტურებული შემთხვევის კონტაქტები არიან.
- 1 შემთხვევა უკავშირდება ოკუპირებულ აფხაზეთში მცხოვრებ პირს, ის უკვე ინფიცირებულის კონტაქია და ცხელებით იმყოფებოდა რუხის კლინიკაში.
- 1 შემთხვევა უკავშირდება თბილისის კონტაქტს, რომელიც ზუგდიდში იმყოფებოდა და კოვიდინფექცია გატესტვის შემდეგ დაუდგინდა.
- 1 შემთხვევა აბაშა - მიმდინარეობს ინფიცირების წყაროს დადგენა.
რუხის კლინიკაში ამ დროისათვის მკურნალობის კურსს გადის 109 კოვიდპაციენტი, აქედან 25-ის მდგომარეობა შედარებით მძიმეა. ფოთის ჰოსპიტალში კი 40 კოვიდპაციენტი მკურნალობს.
ბოლო 24 საათის განმავლობაში რეგიონის მასშტაბით გამოჯანმრთელდა 15 პირი. ფოთის კლინიკიდან გაეწერა 5 პაციენტი, მათგან 1 -ოკუპირებული აფხაზეთის მაცხოვრებელია, 1-ქობულეთიდანაა, 1- ფოთის მცხოვრებია, 1- სენაკის და 1- მარტვილის.
რუხის კლინიკიდან გაეწერა 10 პაციენტი.
რეგიონის მასშტაბით სულ საკარანტინე სივრცეში 184 ადამიანია.
18 ოქტომბერს საქართველოში კორონავირუსის რეკორდულად მაღალი - 1192 ახალი შემთხვევა დადასტურდა
ავტორი: ემა გოგოხია
