თბილისის საქალაქო და სააპელაციო სასამართლოებში თანამშრომლებს კორონავირუსისთვის დამახასიათებელი ნიშნები გამოუვლინდათ. მათ ტესტირება უკვე ჩაუტარდათ და პასუხებს ელოდებიან.
სავარაუდო ინფიცირებულები და მათი კონტაქტები თვითიზოლაციაში იმყოფებიან. ამ დრომდე სასამართლოში პროცესების ნაწილი სასამართლო დარბაზებში მაინც ტარდება, თუმცა სხდომათა დარბაზში მხოლოდ მოსამართლე, დაცვისა და ბრალდების მხარეები არიან.