ფრთხილი ოპტიმიზმით შეგვიძლია ვთქვათ, გამოჯანმრთელებულთა რაოდენობა სტაბილურად იზრდება - მეზვრიშვილი
გამოქვეყნდა:
მთავრობის ადმინისტრაციის ხელმძღვანელის, ნათია მეზვრიშვილის თქმით, ფრთხილი ოპტიმიზმით შეიძლება ითქვას, რომ ქვეყანაში გამოჯანმრთელებულთა რაოდენობა სტაბილურად იზრდება.
"ფრთხილი ოპტიმიზმით შეგვიძლია ვთქვათ, რომ გამოჯანმრთელებულთა რაოდენობა სტაბილურად იზრდება, დღეს, მაგალითად, 2 ათასს გადააჭარბა გამოჯანმრთელებულთა რაოდენობამ, რაც საკმაოდ პოზიტიური ტენდენციაა. პროცესის მართვა გრძელდება", - თქვა ნათია მეზვრიშვილმა.
შეგახსენებთ, რომ გასულ 24 საათში საქართველოში კორონავირუსისგან 2 197 პაციენტი გამოჯანმრთელდა და საერთო რაოდენობა 14 829 გახდა.
აქვე, გასულ 24 საათში ქვეყანაში კორონავირუსის 1 731 ახალი შემთხვევა დადასუტრდა, გამოჯანმრთელდა 2 197 პაიციენტი, 15 კი გარდაიცვალა.
ბოლო მონაცემებით საქართველოში:
- კორონავირუსით ინფიცირებულია - 33 858;
- გამოჯანმრთელებულია - 14 829;
- მათ შორის გარდაცვლილია - 253;
- კარანტინის რეჟიმში რჩება - 3 507;
- კოვიდ სასტუმროში მყოფი პირები - 2 344;
- სტაციონარში მეთვალყურეობის ქვეშ - 4 022 მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 44 მილიონს გადააჭარბა, მათგან გამოჯანმრთელდა, თითქმის, 33 მილიონი ადამიანი და გარდაიცვალა 1 მილიონზე მეტი.
