დილის მონაცემებით 123 ინფიცირებული სამედიცინო პერსონალი გვყავს - გამყრელიძე
გამოქვეყნდა:
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის დღეს, 28 ოქტომბერს გამოვლენილი 1 731 ახალი შემთხვევიდან, 123 სამედიცინო პერსონალია. ამის შესახებ მან საკოორდინაციო საბჭოს წევრების ბრიფინგზე ისაუბრა.
"სამწუხაროდ, გვიზიანდება სამედიცინო პერსონალი, დღევანდელი დილისთვის 123-ია ასეთი. სამწუხაროდ, გარდაიცვალა ერთი ჩვენი კოლეგა, სასწრაფოს ექიმი", - თქვა ამირან გამყრელიძემ.
აქვე, გასულ 24 საათში ქვეყანაში კორონავირუსის 1 731 ახალი შემთხვევა დადასუტრდა, გამოჯანმრთელდა 2 197 პაიციენტი, 15 კი გარდაიცვალა.
ბოლო მონაცემებით საქართველოში:
- კორონავირუსით ინფიცირებულია - 33 858;
- გამოჯანმრთელებულია - 14 829;
- მათ შორის გარდაცვლილია - 253;
- კარანტინის რეჟიმში რჩება - 3 507;
- კოვიდ სასტუმროში მყოფი პირები - 2 344;
- სტაციონარში მეთვალყურეობის ქვეშ - 4 022 მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 44 მილიონს გადააჭარბა, მათგან გამოჯანმრთელდა, თითქმის, 33 მილიონი ადამიანი და გარდაიცვალა 1 მილიონზე მეტი.
