გორთან მომხდარ ავტოავარიაზე შსს-მ გამოძიება დაიწყო - გარდაცვლილია 5 მგზავრი
გამოქვეყნდა:
ავტოსაგზაო ინციდენტთან დაკავშირებით, რომელიც გამთენიას გორთან მოხდა, შინაგან საქმეთა სამინისტრო განცხადებას ავრცელებს. უწყება 5 ადამიანის გარდაცვალებას ადასტურებს. აქვე, დაშავებულია 11.
გამოძიება 276-ე მუხლით დაიწყო.
განცხადება სრულად:
2020 წლის 30 ოქტომბერს, თბილისი-სენაკი-ლესელიძის საავტომობილო გზის 77-ე კილომეტრზე, დასავლეთის მიმართულებით, თურქული სანომრე ნიშნებით მოძრავი სატვირთო ავტომანქანა „დაფი“ სამგზავრო მიკროავტობუსს შეეჯახა.
პირველადი ინფორმაციით, აღნიშნული საგზაო სატრანსპორტო შემთხვევის შედეგად, ადგილზე გარდაიცვალა მიკროავტობუსის 5 მგზავრი, ხოლო 11 ადამიანმა სხვადასხვა ხარისხის სხეულის დაზიანება მიიღო.
ავტოსაგზაო შემთხვევასთან დაკავშირებით გამოძიება საქართველოს სისხლის სამართლის კოდექსის 276-ე მუხლის მე-8 ნაწილით მიმდინარეობს.
უმძიმესი ავარია ცენტრალურმაგისტრალზე - გორთან, სამარშრუტო მიკროავტობუსის და ტრაილერის შეჯახებით მოხდა. დაშავებულები საავადმყოფოში გადაიყვანეს.
