დღეს კორონავირუსით გარდაცვლილი 20 პაციენტიდან 10 თბილისიდანაა, 7 იმერეთიდან

5 ნოემბრის მონაცემებით, საქართველოში კორონავირუსისგან დამატებით 20 პაციენტი გარდაიცვალა და მათი საერთო რაოდენობა 401 გახდა.

"სამწუხაროდ, ბოლო 24 საათში გარდაიცვალა 20 ადამიანი. მათ შორის თბილისში - 10, აჭარაში - 2 , იმერეთში - 7, ხოლო მცხეთა-მთიანეთში - 1 ადამიანი. 2020 წლის 26 თებერვლიდან დღემდე სულ გვაქვს 401 გარდაცვალების შემთხვევა", - თქვა ოპერაციული შტაბის უფროსმა, ალექსანდრე ხოჯევანიშვილმა.

დღეს დადასტურებული შემთხვევების რეგიონალური განაწილება შეგიძლიათ ნახოთ აქ. 

ჯამში ქვეყანაში 638 მძიმე პაციენტია, აქედან, ხელოვნური სუნთქვის აპარატზე 293 პირი რჩება.

5 ნოემბერს საქართველოში კორონავირუსით ინფიცირების 2 401 ახალი შემთხვევა დადასტურდა, 2  289 ადამიანი გამოჯანმრთელდა, 20 პაციენტი გარდაიცვალა.

ბოლო მონაცემებით საქართველოში:

• კორონავირუსით ინფიცირებულია - 49 218;
• გამოჯანმრთელებულია - 33 459;
• მათ შორის გარდაცვლილია - 401;
• კარანტინის რეჟიმში რჩება - 3 080;
• კოვიდ სასტუმროში მყოფი პირები - 2 428;
• სტაციონარში მეთვალყურეობის ქვეშ - 4355, მათ შორის საქართველოში უცხოეთიდან სამკურნალოდ გადმოყვანილია -  41 პაციენტი.

შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.

ბოლო მონაცემებით, მსოფლიოში ინფიცირებულთა საერთო რაოდენობამ 48 მილიონს გადააჭარბა, მათგან გამოჯანმრთელდა თითქმის 31 მილიონი ადამიანი  და გარდაიცვალა 1,2 მილიონზე მეტი.