პიკის საათებში მეტროსადგურებში მგზავრთა ნაკადს ეტაპობრივად შეუშვებენ
გამოქვეყნდა:
თბილისის მერიის ინფორმაციით, დღეიდან, 6 ნოემბრიდან კორონავირუსის პანდემიიდან გამომდინარე პიკის საათებში მეტროსადგურებში მგზავრთა ნაკადს ეტაპობრივად შეუშვებენ.
რიგები გაკონტროლდება მეტროსადგურებზე:
- "ვარკეთილის";
- "ახმეტელის თეატრის";
- "დიდუბის";
- "სადგურის მოედნის"
მგზავრთა ნაკადს მეტროპოლიტენის თანამშრომლები დააკვირდებიან და გადატვირთვის შემთხვევაში შეზღუდავენ მათ გადაადგილებას.
აქვე, ბოლო მონაცემებით საქართველოში:
- კორონავირუსით ინფიცირებულია - 49 218;
- გამოჯანმრთელებულია - 33 459;
- მათ შორის გარდაცვლილია - 401;
- კარანტინის რეჟიმში რჩება - 3 160;
- კოვიდსასტუმროში მყოფი პირები - 2 446;
- სტაციონარში მეთვალყურეობის ქვეშ - 4 489, მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
