ცესკო-ში საჩივრების განხილვა სრულდება, ოპოზიცია 30-ვე ოლქის შემაჯამებელ ოქმს ასაჩივრებს
გამოქვეყნდა:
დღეს, 13 ნოემბერს ცესკოში საჩივრების განხილვა სრულდება. ოპოზიცია 30-ვე ოლქის შემაჯამებელ ოქმებს ასაჩივრებს, როგორც პროპორციული, ისე მაჟორიტარული არჩევნების ნაწილში. ასევე ითხოვს სხდომა საჯარო იყოს.
- პროპორციული უბნების რაოდენობა, სადაც ბალანსი არ ჯდება 986-ია, ამავე უბნებზე დაკარგული ბიულეტენების რაოდენობა შეადგენს 4 ათასზე მეტს, ბათილი ბიულეტენების რაოდენობა კი 63 ათას 336-ია.
- მაჟორიტარული უბნების რაოდენობა, რომლებშიც არ ჯდება ბალანსი არის 2000, ამ უბნებზე დაკარგული ბიულეტენების რაოდენობა არის 13 ათასზე მეტია, ბათილი ბიულეტენების რაოდენობა 81 ათას 931.
"გვაქვს კონკრეტული ოქმები, სადაც ბალანსიც კი არ დგება და სერთო დანაშაულთან გვაქვს საქმე მთელ რიგ შემთხვევებში, პროკურატურასაც არაერთხელ მივმართეთ. მაგრამ, ჩვენ ვხედავთ, რომ ხელსიუფლება არც კი იხილავს ამ საჩივრებს, ცენტრალური საარჩევნო კომისია აღარ იმართება ჟვანიას და კომისიონერების მხრიდან", - ამბობს, ენმ-ს წევრი ლევან ბეჟაშვილი.
"ევროპული საქართველოს" პოლიტსაბჭოს წევრის, ლევან თარხნიშვილის თქმით, 30-ვე უბნის შედეგების გაბათილებას ითხოვენ, მიუხედავად იმისა, რომ განსხვავებულ შედეგს არ ელიან, იურიდიულ გზას მაინც გამოიყენებენ.
