ევრო 2020-ის პლეი-ოფის ფინალში მარცხის შემდეგ საქართველოს ფეხბურთელთა ეროვნული ნაკრები C დივიზიონის მორიგ შეხვედრაში სომხეთს დაუპირისპირდება.
გუნდს C დივიზიონის ორი შეხვედრა აქვს ჩასატარებელი. ჯგუფში საქართველოს და ჩრდილო მაკედონიელებს 6-6 ქულა აქვთ, სომხებს - 5.
დღევანდელ შეხვედრაზე საქართველოს გუნდს, დისკვალიფიკაციის გამო, მურთაზ დაუშვილი და გიორგი ქვილითაია არ ეყოლება.
საქართველო - სომხეთის შეხვედრა მაყურებლის გარეშე 21:00 საათზე დაიწყება.
შეგახსენებთ, რომ 12 ნოემბერს დინამო არენაზე საქართველოსა და მაკედონიას შორის ისტორიული მატჩი შედგა. სამწუხაროდ, საქართველოს ეროვნული ნაკრები ევროპის ჩემპიონატს მიღმა დარჩა.
ფოტო: საქართველოს ფეხბურთის ფედერაცია
