ღამით გარდაცვლილ პაციენტთან ერთად პალატაში დატოვებული კაცი, მეორე დღეს თავად გარდაიცვალა
გამოქვეყნდა:
საკრებულოს ყოფილი დეპუტატი სევდია უგრეხელიძე, ფესიბუქზე წერს, რომ მისი ნაცნობი, რომელიც კლინიკაში მაღალი წნევის გამო მიიყვანეს - გარდაიცვალა, თუმცა საბოლოო დიაგნოზი კორონავირუსი იყო. გარდაცვალებამდე წინა ღამე კი ამ პაციენტმა, მიცვალებულთან ერთად გაატარა თავისივე პალატაში.
"ჩემი ახლობლის სიძე ჰიპერტონული კრიზით გადაიყვანეს ამ სამი კვირის წინ კლინიკაში. რამდენიმე დღეში გამოუშვეს, მაგრამ გაუმეორდა და ორ დღეში იქ გარდაიცვალა. უთხრეს- კოვიდით დაიღუპაო და დახურული სასახლით გამოატანეს. იქ მობილური ქონდა და წინა დღეს დარეკა, რომ პალატაში პაციენტი გარდაიცვალა და ღამე ოთახში დატოვეს. ანუ ის ღამე მიცვალებულთან ერთად გაატარა. ნეტა ბოლოს რით გარდაიცვალა, შიშით ხომ არა? აბა როგორია წნევიანისთვის მკვდრის გვერდით ღამის გატარება?", - წერს სევდია უგრეხელიძე.
