მთავრობის გადაწყვეტილებით, რაოდენობრივი ლიმიტაცია არ იქნება ტაქსით მგზავრობისას ქვეყნის მასშტაბით დაწესებული შეზღუდვების ფონზე.
"ტაქსებთან მიმართებით, არანაირი სპეციფიური შეზღუდევბი არ წესდება, გარდა პირბადის ტარებისა. არც რაოდენობის შეზღუდვები წესდება. რაც შეეხება მეტროს - ჩერდება ყველა სახის მუნიციპალური ტრანსპორტი " - თქვა პრემიერმინისტრმა.
ცნობისთვის, უწყებათაშორისი საკოორდინაციო საბჭოს გადაწყვეტილებით, 28 ნოემბერი - 31 იანვრის ჩათვლით, ქვეყნის მასშტაბით იზღუდება:
- 21:00 საათიდან 05:00 საათამდე პირთა გადაადგილება როგორც ქვეითად, ისე სატრანსპორტო საშუალებით, ასევე საჯარო სივრცეში ყოფნა; გამონაკლისი იქნება ახალი წლის ღამე - 31 დეკემბრის ღამე და ასევე შობის ღამე - 6 იანვრის ღამე;
- მგზავრების რეგულარული საქალაქთაშორისო გადაყვანა, მათ შორის - რკინიგზით, ავტობუსით, სამარშრუტო ტაქსით. მსუბუქ ავტომობილებზე (მათ შორის ტაქსებზე) არ წესდება შეზღუდვა;
შეზღუდვების სრული სია შეგიძლიათ ნახოთ აქ.
