კორონავირუსისგან თერჯოლის სოფელ ეწერის სკოლის დირექტორი გარდაიცვალა
გამოქვეყნდა:
ახალი კორონავირუსული ინფექციით გამოწვეული გართულებებით თერჯოლის სოფელ ეწრის სკოლის დირექტორი გარდაიცვალა. როგორც ცნობილია, პაციენტი სამედიცინო დაწესებულებაში მკურნალობდა, თუმცა მისი მდგომარეობა მოულოდნელად დამძიმდა, რამაც ფატალური შედეგი გამოიწვია.
"60 წლის ისე უხმაუროდ გახდა, არადა როგორი ჩანაფიქრი გვქონდა. დაბადების დღის მილოცვაც ვერ მოვახერხეთ, თუმცა უპირველესი სურვილი ყველას ერთი გვქონდა – ჯანმრთელი დაგვბრუნებოდა.
თუკი ვინმე შეიძლება, გამორჩეული გვყოლოდა, ეს დათო არაბიძე იყო. არაჩვეულებრივი მეგობარი იყო, იმედიანი და თანამგრძნობი, რამდენ ლამაზ დღეს ვგეგმავდით მასთან ერთად, როცა ეს დაწყევლილი პანდემია დამთავრდებოდა", - აცხადებენ გარდაცვლილის კოლეგები.
ბოლო 24 საათში საქართველოში კორონავირუსით ინფიცირების რეკორდულად მაღალი - 4 780 ახალი შემთხვევა დადასტურდა, დამატებით 3 489 ადამიანი გამოჯანმრთელდა, ხოლო 37 პაციენტი გარდაიცვალა.
- რეგიონალური განაწილება სრულად შეგიძლიათ ნახოთ აქ.
