აჭარაში გაზმომარაგება დილიდან შეწყდა. ადგილობრივების ინფორმაციით, მათ შეტყობინება მიუვიდათ, რომელშიც წერია, რომ პრობლემა მაგისტრალის დაზიანებამ გამოიწვია.
"ცენტრალური მაგისტრალის დაზიანების გამო აჭარისა და გურიის რეგიონს შეუწყდა გაზმომარაგება. "საქართველოს გაზის ტრანსპორტირების კომპანია" მუშაობს დაზიანების დროულად აღმოფხვრისთვის. დამატებით ინფორმაციას გაზმომარაგების აღდგენასთან დაკავშირებით მიიღებთ მოკლე ტექსტური შეტყობინების სახით", - ვკითხულობთ SMS-ში.
პრობლემის გამო ბათუმელები გაზის რიგში დგანან.
ავტორი: ია გულიაშვილი
