საგარეო საქმეთა ყოფილი მინისტრი, გელა ბეჟუაშვილი, კარტოგრაფების საქმეზე იკითხება
გამოქვეყნდა:
საგარეო საქმეთა ყოფილი მინისტრი, გელა ბეჟუაშვილი, კარტოგრაფების საქმეზე პროკურატურამ დასაკითხად დაიბარა.
საგამოძიებო უწყებაში შესვლამდე მას მედიასთან კომენტარი არ გაუკეთებია.
გელა ბეჟუაშვილი საქართველოს პრეზიდენტის თანაშემწე ეროვნული უშიშროების საკითხებში 2004-2005 წლებში იყო. საგარეო საქმეთა მინისტრის პოსტს კი 2005-2008 წლებში იკავებდა.
შეგახსენებთ, რომ გუშინ ივერი მელაშვილი და ნატალია ილიჩოვა აღკვეთის ღონისძიების გადასინჯვის შემდეგ პატიმრობაში დატოვეს.
ცნობისთვის, კარტოგრაფები 7 ოქტომბერს დააკავეს.
პროკურატურა მათ სადემარკაციო კომისიაში მუშაობისას საქართველოს ტერიტორიული ინტერესების საწინააღმდეგო რუკებით მუშაობაში ადანაშაულებს.
დაკავებულების წინააღმდეგ გამოძიება საქართველოს სისხლის სამართლის კოდექსის 308-ე მუხლის პირველი ნაწილით მიმდინარეობს რაც 10-დან 15 წლამდე პატიმრობას ითვალისწინებს.
