კომენდანტის საათის დროს ქუთაისში, აბაშის გამზირზე, ერთდროულად 4 ავტომობილი გაძარცვეს - დამნაშავეებმა მინები ჩაამსხვრიეს და ნივთები გაიტაცეს.
მანქანების მეპატრონეები გაზრდილ კრიმინალზე საუბრობენ და შინაგან საქმეთა სამინისტროს უმოქმედობაში ადანაშაულებენ.
"ესაა ქოცური 8-წლიანი მმართველობის შედეგი. ახლა მანქანებში ექსპერტიზა ტარდება", - ამბობს ერთერთი მფლობელი.
"მანქანები კი არა, მალე სახლებში შემოცვივდებიან. მთავრობამ კრიმინალები მოამრავლა", - თქვა ადგილობრივმა.
შსს ფაქტს ადასტურებს და ამბობს, რომ მომხდარზე გამოძიება 177-ე მუხლით დაიწყო, რაც ქურდობას გულისხმობს.
