ბოლო 24 საათში საქართველოში COVID-19-ით კიდევ 36 ადამიანი გარდაიცვალა
გამოქვეყნდა:
დღევანდელი, 8 დეკემბრის მონაცემებით, საქართველოში კორონავირუსით კიდევ 36 პაციენტი გარდაიცვალა. ქვეყანაში გარდაცვლილთა საერთო რაოდენობა 1 576 გახდა. ქვეყანაში იგივე მაჩვენებელი დაფიქსირდა გუშინაც.
აქვე, ბოლო 24 საათში საქართველოში კორონავირუსით ინფიცირების 4 673 ახალი შემთხვევა დადასტურდა, დამატებით 3 893 პირი გამოჯანმრთელდა, ხოლო 36 პაციენტი გარდაიცვალა.
ბოლო მონაცემებით საქართველოში:
- კორონავირუსით ინფიცირებულია - 169 649
- გამოჯანმრთელებულია - 141 392
- გარდაცვლილია - 1 576
- კარანტინის რეჟიმში რჩება - 1 186
- კოვიდ სასტუმროში მყოფი პირები - 3 759
- სტაციონარში მეთვალყურეობის ქვეშ - 6 829
- მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 67 მილიონს გადააჭარბა მათგან გამოჯანმრთელდა 47 მილიონი ადამიანი და გარდაიცვალა 1,5 მილიონზე მეტი.
