2011 წელს, რუსთაველზე, ზურაბ ტარყაშვილის მკვლელობისთვის ძებნილი დაკავებულია - შსს
გამოქვეყნდა:
2011 წელს, რუსთაველის გამზირზე ზურაბ ტარყაშვილის მკვლელობისთვის ძებნილი დაკავებულია - ინფორმაციას ამის შესახებ შსს ავრცელებს.
დამამძიმებელ გარემოებაში ჯგუფურად ჩადენილი განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვისთვის დაკავებულია 1988 წელს დაბადებული ი.ა.
გამოძიებით დადგენილია, რომ ი.ა.-მ და მისმა თანამზრახველებმა 2011 წლის 17 ოქტომბერს, თბილისში, რუსთაველის გამზირზე, შურისძიების მიზნით, ცეცხლსასროლი იარაღიდან განხორციელებული მრავლობითი გასროლის შედეგად, სიცოცხლისათვის შეუთავსებელი ჭრილობები მიაყენეს 1988 წელს დაბადებულ ზ.ტ.-ს და მიიმალნენ. დაჭრილი ზ.ტ. შემთხვევის ადგილზევე გარდაიცვალა.
ი.ა., ჩადენილი დანაშაულებრივი ქმედებისათვის, 2011 წლის 25 ოქტომბერს დაუსწრებლად მიეცა სისხლის სამართლის პასუხისგებაში - ნათქვამია შსს-ს ინფორმაციაში
დაკავებული პენიტენციურ დაწესებულებაშია გადაყვანილი. სხვა დეტალები ამ დროისათვის ცნობილი არ არის.
