თბილისში, ბელიაშვილის 5 ნომერში, გალფის ბენზინგასამართი სადგური დააყაჩაღეს. შემთხვევა, სავარაუდოდ, კომენდანტის საათის დაწყებამდე მოხდა.
დაუდასტურებელი ინფორმაციით, გალფში ერთი პირი შეიჭრა და იარაღის მუქარით მოლარე-ოპერატორს თანხა გასტაცა.
შინაგან საქმეთა სამინისტროს ამ დრომდე არ გაუვრცელებია ინფორმაცია, დააკავა თუ არა ყაჩაღობაში ბრალდებული ან რა რაოდენობის თანხის წაღება მოახერხა მან.
ადგილზე ექსპერტ-კრიმინალისტები გვიანობამდე მუშაობდნენ. პოლიციამ ტერიტორია კომენტარის გარეშე დატოვა.
