შსს-მ ზუგდიდში, ჯგუფურად ჩადენილი ყაჩაღობის ბრალდებით კიდევ ერთი პირი დააკავა. დაკავებულია 1989 წელს დაბადებული ე.ჯ.
მანამდე კი, ამავე საქმეზე სამართალდამცველებმა 1983 წელს დაბადებული ე.გ-ც დააკავეს.
გამოძიებით დადგინდა, რომ ბრალდებულმა ე.გ.-მ თანამზრახველ ე.ჯ.-სთან ერთად დაგეგმა მისი ნაცნობის - 1994 წელს დაბადებული ქალის ყაჩაღობა.
სამართალდამცველებმა ნივთმტკიცების სახით ყაჩაღობის გზით, მართლსაწინააღმდეგოდ დაუფლებული ოქროს სამკაულები ამოიღეს - აცხადებენ შსს-ში
გამოძიება ჯგუფურად ჩადენილ ყაჩაღობის ფაქტზე, 179-ე მუხლის მე-2 ნაწილის “ბ” ქვეპუნქტით მიმდინარეობს. დანაშაული 6-დან 9 წლამდე პატიმრობას ითვალისწინებს.
