აბაშის ცენტრში, ერთმანეთს სამი ავტომობილი შეეჯახა, შემთხვევის შედეგად სამი ადამიანი მსუბუქად დაშავდა. სასწრაფო-სამედიცინო დახმარების ჯგუფმა ისინი სენაკის კლინიკა "არქიმედეში" გადაიყვანა.
ექიმების ინფორმაციით, მათი მდგომარეობა სტაბილურია და გამოკვლევები უტარდებათ.
შინაგან საქმეთა სამინისტრომ, გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც საგზაო მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის ჯანმრთელობის დაზიანება გამოიწვია.
