დაავადებათა კონტროლის ეროვნული ცენტრის მონაცემებით, დღეს, 22 იანვარს, საქართველოში კორონავირუსით გარდაცვლილთა საერთო რიცხვმა 3 000-ს გადააჭარბა.
უფრო ზუსტად, ბოლო 24 საათში ქვეყანაში კორონავირუსით კიდევ 24 პაციენტი გარდაიცვალა და მათი საერთო რაოდენობა 3 022 გახდა.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ცნობისთვის, მსოფლიოში ინფიცირებულთა საერთო რაოდენობამ 98 მილიონს გადააჭარბა მათგან გამოჯანმრთელდა 70 მილიონი ადამიანი და გარდაიცვალა 2,1 მილიონზე მეტი.
