დღევანდელი, 4 თებერვლის მონაცემებით, საქართველოში კორონავირუსით კიდევ 19 პაციენტი გარდაიცვალა. ქვეყანაში გარდაცვლილთა საერთო რაოდენობა 3 240 გახდა.
აქვე გეტყვით, რომ ბოლო 24 საათში საქართველოში კორონავირუსით ინფიცირების 583 ახალი შემთხვევა დადასტურდა, დამატებით 671 პირი გამოჯანმრთელდა, ხოლო 19 პაციენტი გარდაიცვალა.
მთავრობის მონაცემებით, დადებითობის მაჩვენებელი შემდეგია: დღიური - 3,51%, ბოლო 14 დღის - 4,41% ბოლო 7 დღის - 3,79%.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ცნობისთვის, მსოფლიოში ინფიცირებულთა საერთო რაოდენობამ 104 მილიონს გადააჭარბა მათგან გამოჯანმრთელდა 76 მილიონი ადამიანი და გარდაიცვალა 2,2 მილიონზე მეტი.
