ტრაგედია გარდაბანში - მოზარდი, რომელიც სკოლიდან სახლში ბრუნდებოდა, აფეთქებას ემსხვერპლა
გამოქვეყნდა:
საზარელი ტრაგედია გარდაბანში. 14 წლის მოზარდი, რომელიც სკოლიდან სახლში ბრუნდებოდა აფეთქებას ემსხვერპლა. ჯერჯერობით გაურკვეველია კონკრეტულად რამ გამოიწვია აფეთქება და როგორ აღმოჩნდა საბრძოლო მასალა სკოლის სიახლოვეს.
სამართალდამცვლებმა უკვე გამოკითხეს გარდაცვლილის 9 წლის ძმა, რომელიც თავად შეესწრო უბედურ შემთხვევას და სიკვდილს სასწაულით გადაურჩა. ჩვენება პოლიციას დაღუპული არასრულწლოვნის დედამაც მისცა.
გარდაბნის ცენტრში მომხდარი აფეთქების შესახებ გამოძიება სისხლის სამართლის კოდექსის 229-ე მუხლით მიმდინარეობს, რაც აფეთქებას გულისხმობს.
