რესტორნების შიდა სივრცეები იხსნება, თუმცა ცოცხალი მუსიკა აკრძალული რჩება
გამოქვეყნდა:
8 მარტიდან რესტორნები შიდა სივრცეებში ფუნქციონირებას განაახლებენ (გარდა შაბათი-კვირისა), მაგრამ 1 აპრილამდე ცოცხალი მუსიკის შესრულება ისევ შეზღუდვად რჩება.
მიუხედავად იმისა, რომ 8 მარტიდან იხსნება შიდა სივრცეებში სარესტორნო ბიზნესი, კვების ობიექტები, 1-ელ აპრილამდე კვლავ შეზღუდვად რჩება ცოცხალი მუსიკის შესრულება, ვინაიდან ეს დამატებით იწვევს ღონისძიების მასშტაბის ზრდას და ასევე, როდესაც ასეთი კულტურული ღონისძიება ტარდება, მასშტაბი გაცილებით დიდია და ამ პროცესში ხალხის მობილობის, ისევე როგორც რეგულაციების დაცვა ძალიან ძნელია", - განუცხადა ჟურნალისტებს შრომის პირობების ინსპექტირების დეპარტამენტის უფროსმა ბექა ფერაძემ.
შეგახსენებთ, 8 მარტიდან რამდენიმე შეზღუდვა იხსნება:
- სამთო კურორტებზე საბაგიროები მუშაობას განაახლებენ;
- რესტორნებს შიდა სივრცეებში ფუნქციონირებას განაახლებენ შაბათ-კვირის გარდა;
- მუშაობას განაახლებენ შაბათ-კვირის ჩათვლით მოლები და ბაზრობები
ძალაში რჩება კომენდანტის საათი.
