საბავშვო ბაღების გახსნის შემდეგ, დედაქალაქის 46 ბაგა-ბაღი კორონავირუსის გამო ისევ დაიხურა. როგორც თბილისის მერმა დედაქალაქის მთავრობის დღევანდელ სხდომაზე თქვა, 46-დან ოთხმა მუშაობა უკვე განაახლა. როგორც კალაძე ამბობს, კოვიდ ინფექცია დაუდასტურდა, როგორც მედპერსონალს, ისე ბავშვებს, შესაბამისად დაუყოვნებლივ მიიღეს საჭირო ზომები. კალაძის თქმით, ტესტირება ბაღებში აქტიურად მიმდინარეობს.
