ზუგდიდში, თურქეთის მოქალაქისთვის მანქანის მოპარვის ბრალდებით, სამი პირი დააკავეს
გამოქვეყნდა:
ზუგდიდში, თურქეთის მოქალაქისთვის მანქანის მოპარვის ბრალდებით, პოლიციამ სამი პირი დააკავა. პოლიციამ დაშლილი მანქანა სამი დაკავებულიდან ერთ-ერთის სახლში იპოვა.
თურქ ბიზნესმენს, ომერ დემიროქს პოლიციამ ამ ფაქტზე უკვე აცნობა. სამართალდამცველებმა მას განუმარტეს, რომ მანქანის ყველა ნაწილი ამოღებულია.
საქმე 177-ე მუხლის მე-4 ნაწილითაა აღძრული, რაც ჯგუფურად ქურდობას გულისხმობს. დაკავებულები ამ დროისთვის დაკითხვაზე, ზუგდიდის პოლიციის სამმართველოში იმყოფებიან.
ამავე თემაზე:
ავტორი: ემა გოგოხია
