შემაქვს საჩივარი, გამოიძიონ რა ტიპის მიყურადება იყო და ვისი დავალებით - დოლიძე
გამოქვეყნდა:
მოძრაობა "ხალხისთვის" ლიდერს, ანა დოლიძეს პროკურატურაში საჩივარი შეაქვს. ეს გადაწყვეტილება მან "პოსტ-ფაქტუმში" გასული ინტერვიუს შემდეგ მიიღო, სადაც სუს-ის ყოფილმა თანამშრომელმა, ივანე გულაშვილმა მოყვა, როგორ ავალებდნენ სხვადასხვა პირების თვალთვალს.
"ქართული ოცნება ყალიბდება ისეთ ხელისუფლებად, რომლის ოპონენტებთან გამკლავების ერთ-ერთი იარაღი სერიოზული იარაღი, არის მორალური ტერორი, მათ შორის მიყურადებით, ჩაწერით და შესაძლო შანტაჟით. იმიტომ, რომ მნიშვნელოვანია ყველა აღვუდგეთ, გავაჩეროთ ეს პრაქტიკა მე შემაქვს საჩივარი საქართველოს მთავარ პროკურატურაში. გამოიძიოს რა ტიპის მიყურადებას ჰქონდა ადგილი, როდის, რა გარემოებაში და რაც მთავარია ვისი დავალებით", - თქვა ანა დოლიძემ.
საქართველოს მუსლიმთა შეიხი, ვაგიფ აკპეროვი კი ყვება, რომ პროკურატურას ჩვენება მისცა, პროკურორმა კი უთხრა, რომ განცხადება უკან გაეტანა. მისი თქმით, სახელმწიფოს არ აქვს პოლიტიკური ნება, რომ ეს საქმე გამოიძიონ.
