NDI-ის ახალი კვლევის თანახმად, მოსახლეობის 53% კორონავირუსის აცრას არ გაიკეთებდა. ამავე კითხვაზე:
- 35% ამბობს, რომ აიცრებოდა;
- 12%-მა არ იცის, გაიკეთებდა თუ არა აცრას.
კითხვაზე რატომ არ აიცრებოდი გამოკითხული მოსახლეობის - 48% ამბობს, რომ ვაქცინას არ ენდობა, 20% ფიქრობს, რომ ვირუსს ვაქცინის გარეშეც გაუმკლავდება, 10%-ის განცხადებით ჯანმრთელობის მიზეზის გამო ვერ აიცრებოდა. 6% კი აცხადებს, რომ არ აიცრება, რადგან ვაქცინაციას სინამდვილეში სხვა მიზნები აქვს.
კვლევა 17-24 თებერვლის პერიოდში საქართველოს მასშტაბით 2,024 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით).
გამოკითხვის საშუალო ცდომილების ზღვარი არის +/- 1.4 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.
