დედა სოსანა კომენდანტის საათის დროს ღია ცის ქვეშ დარჩა - მას მარტვილის დედათა მონასტერში არ უშვებენ
გამოქვეყნდა:
მეუფე სტეფანეს მიერ მარტვილის დედათა მონასტრის წინამძღვრობიდან გადაყენებული დედა სოსანა, მონასტერში არ შეუშვეს. ცნობილი ხდება, რომ დედა სოსანა მარტვილში თბილისიდან, რამდენიმე წუთის წინ დაბრუნდა, მონასტერში მისვლის შემდეგ კი მას კარი ცაგერიდან და ლენტეხიდან ჩამოყვანილმა დედებმა არ გაუღეს და განუმარტეს, რომ მონასტერში მეუფე სტეფანეს კურთხევით არ უშვებენ.
დედა სოსანა თბილისში საპატრიარქოს წინ აქციაზე იმყოფებოდა, სადაც ახლადდანიშნულ წინამძღვარ დედაოსთან შეთანხმებით წავიდა.
დედა სოსანა, დედა ნინო გამყრელიძესთან ერთად, ამ წუთებშიც, კომენდანტის საათის დროს, მარტვილის დედათა მონასტრის კარებთან, თავსხმა წვიმაში დგას და დახმარებას ითხოვს. ამბობს, რომ ეს მონასტერი მისი და იქ მომსახურე დედების ხელითაა აშენებული და აქედან წასვლას არ აპირებს.
ამავე თემაზე:
- მეუფე სტეფანემ დედა სოსანა წინამძღვრობიდან გადააყენა
- სანამ სინოდზე პატრიარქის საკითხს არ განიხილავენ, მას ლოცვებში არ მოვიხსენიებ - დედა სოსანა
- შენ ვინ ხარ? დებილი დედაკაცი, შენ თავს მიხედე - მეუფე სტეფანე დედა სოსანას
ავტორი: ემა გოგოხია
