გამოხმაურება "მთავარი არხის" ჟურნალისტურ გამოძიებაზე - შსს-მ დმანისის სამმართველოს უფროსის მოადგილე დააკავა
გამოქვეყნდა:
შინაგან საქმეთა სამინისტროს თანამშრომლებმა, სამსახურებრივი უფლებამოსილების ბოროტად გამოყენების და განზრახ უკანონოდ დაკავების ბრალდებით შინაგან საქმეთა სამინისტროს ქვემო ქართლის პოლიციის დეპარტამენტის დმანისის რაიონული სამმართველოს უფროსის მოადგილე შ.ზ. დააკავეს. ინფორმაციას შინაგან საქმეთა სამინისტრო ავრცელებს.
უწყების ცნობით, დანაშაული 5-დან 8 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ შ.ზ.-მ ბოროტად გამოიყენა სამსახურებრივი უფლებამოსილება და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით უზრუნველყო ერთ-ერთი მოქალაქის უკანონო დაკავება.
გამოძიება საქართველოს სისხლის სამართლის კოდექსის 147-ე და 332-ე მუხლებით მიმდინარეობს, - ნათქვამია უწყების განცხადებაში.
ამავე თემაზე:
პატიმრობა შეკვეთილი ბრალდებით - რუის-ურბნისის ეპარქიის შემზარავი ისტორია
