ჯანდაცვის მინისტრის, ეკატერინე ტიკარაძის ინფორმაციით, AstraZeneca-ს 50 000-მდე დოზა საქართველოში აპრილის ბოლოს შემოვა. როგორც მან აღნიშნა, შემდეგი დოზა ქვეყანაში მაისში შემოვა.
"თვის ბოლოს შემოვა ასტრაზენეკას შემდეგი მოცულობა საქართველოში. ეს იქნება 50 000-მდე ასტრაზენეკას დოზა, შემდეგი დოზა შემოვა მაისში. ეს გადაწყვეტილება მიიღო COVAX-ის პლატფორმამ. გამომდინარე იქიდან, რომ ჩვენ ვიცით, თითოეულ ვაქცინას აქვს საკმაოდ მოკლე ვარგისიანობის ვადა და მნიშვნელოვანია, რომ ვადით დაცული ვაქცინები შემოვიდეს საქართველოში",- თქვა ტიკარაძემ.
საქართველოში AstraZeneca-ს ვაქცინის პირველი დოზა 13 მარტს შემოვიდა. ქვეყანაში ვაქცინაციის პროცესი 15 მარტიდან დაიწყო.