კორონავირუსის დადასტურებული შემთხვევების რაოდენობა 623-მდე გაიზარდა. ამ დრომდე ინფექციის 615 შემთხვევა იყო დაფიქსირებული, თუმცა სპეციალურ ვებ გვერდზე მონაცემები რამდენიმე წუთის წინ განახლდა.
ამავე მონაცემებით, გამოჯანმრთელებული - 288 პაციენტი; გარდაცვლილია 9.
კარანტინის რეჟიმში იმყოფება 4723 ადამიანი, ხოლო სტაციონარში მეთვალყურეობის ქვეშ - 446
ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 8 ახალი დადასტურებული შემთხვევიდან ყველას წყარო ცნობილია, 4 კარანტინის სივრციდან არის, დანარჩენი კონტაქტები არიან.
