"ასტრაზენეკას" ვაქცინის მეორე დოზით ასაცრელად რეგისტრაცია დღეს იწყება
გამოქვეყნდა:
დღეიდან, 5 მაისიდან კორონავირუსის საწინააღმდეგო ვაქცინა "ასტრაზენეკას" მეორე დოზით ასაცრელად რეგისტრაცია იწყება. ვაქცინაციის პროცესი კი 5 დღეში - 10 მაისიდან დაიწყება.
მოქალაქეებს შეუძლიათ, მეორე დოზის გასაკეთებლად ნებისმიერ დაწესებულებაში პირველი აცრიდან 4-12 კვირის ინტერვალში დარეგისტრირდნენ.
რეგისტრაცია შესაძლებელია სპეციალურ პორტალზე.
შეგახსენებთ, რომ "ასტრაზენეკას" 43 ათას დოზაზე მეტი ვაქცინა საქართველომ 13 მარტს მიიღო.
