საგანგაშო სტატისტიკა - 2021 წლის პირველ სამ თვეში ოჯახური ძალადობის მსხვერპლი 1 875 ქალი გახდა
გამოქვეყნდა:
ოჯახური ძალადობის საგანგაშო სტატისტიკა ქვეყანაში - შსს-ს ინფორმაციით, 2021 წლის პირველ სამ თვეში ოჯახში ძალადობის 2 270 შემთხვევა დაფიქსირდა. ძალადობის მსხვერპლი კი 1 875 ქალი გახდა, რაც შემთხვევების 83%-ია. გამოვლენილია ოჯახში მოძალადე 2 141 პირი, საიდანაც 1 818 კაცია, ხოლო 323 ქალია.
100-დან 6 შემთხვევაში კი ოჯახური ძალადობის მსხვერპლი არასრუწლოვანი იყო. 2021 წლის იანვარ-მარტში ოჯახში ძალადობის ფაქტებთან დაკავშირებით 2 371 შემაკავებელი ორდერი გამოიცა.
ქალთა უფლებადამცველები კი ამბობენ, რომ გაზრდილი მაჩვენებლის პარალელურად სახელმწიფო უნდა ზრუნავდეს პირველ რიგში შემთხვევების პრევენციაზე და ამავდროულად, ძალადობის მსხვერპლებისთვის გაზარდოს სერვისების რაოდენობა.
