განსაკუთრებით დიდი ოდენობით "ჰეროინის" შენახვისთვის 27 წლის კაცი დააკავეს
გამოქვეყნდა:
შინაგან საქმეთა სამინისტროს განცხადებით, თბილისში, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, წარსულში ნასამართლევი ნ.ა. დააკავეს.
"გამოძიებით დადგინდა, რომ დაკავებული მართლსაწინააღმდეგოდ ინახავდა განსაკუთრებით დიდი ოდენობით ნარკოტიკულ საშუალება "ჰეროინს". სამართალდამცველებმა ნარკოტიკული საშუალება ნივთმტკიცებად ამოიღეს", - წერია უწყების განცხადებაში.
გამოძიება საქართველოს სისხლის სამართლის კოდექსის 260-ე მუხლის მე-6 ნაწილის "ა" ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვას გულისხმობს.
დანაშაული 8-დან 20 წლამდე ან უვადო თავისუფლების აღკვეთას ითვალისწინებს.
