"ტყუილია, "ასტრაზენეკა" დღესაც თავისუფალია, მეჩქარება, მიშლით ხელს" - იმნაძე ჟურნალისტს
გამოქვეყნდა:
დაავადებათა კონტროლის ეროვნული ცენტრის წარმომადგენლების ინფორმაციით, ქვეყანაში ვაქცინაცია 4 ვაქცინით მიმდინარეობს.
NCDC-ის დირექტორის მოადგილე, პაატა იმნაძე სიცრუეს უწოდებს ინფორმაციას თითქოს, საქართველოში მხოლოდ 1 ვაქცინაა დარჩენილი. იმნაძის თქმით, სინოვაკის ვაქცინასთან ერთად AstraZeneca-ს ვაქცინის დოზებიც ხელმისაწვდომია.
"გიპასუხეთ უკვე, ტყუილია, ასტრაზენეკაც არის, სინოვაკიც არის. ასტრაზენეკა დღესაც არის თავისუფალი... მიშლით ხელს, მეჩქარება",-თქვა იმნაძემ.
დაავადებათა კონტროლის ეროვნული ცენტრის წარმომადგენლები დღეს ჯანდაცვის მსოფლიო ორგანიზაციის წარმომადგენლებს შეხვდნენ.
