პროტესტი 5-დღიან კარანტინს | აფხაზეთის მთავრობასთან დაკავებულები 1500-1700 ლარით დააჯარიმეს
გამოქვეყნდა:
აფხაზეთის მთავრობასთან გამართული აქციის შემდეგ დაკავებული სამოქალაქო აქტივისტები თბილისის საქალაქო სასამართლოს მოსამართლემ, ნათია მერაბიშვილმა 1500-1700 ლარით დააჯარიმა. მან გადაწყვეტილება რამდენიმე წუთის წინ გამოაცხადა.
როგორც "მთავარი არხის" ვებგვერდს მოძრაობა "საქართველოსთვის" წევრმა ნიკა ნარსიამ უთხრა, 1500-1500 ლარით დაჯარიმდნენ გიორგი მუმლაძე, ალბერტ მერაბაშვილი და თავად ნიკა ნარსია, დავით კაპანაძე კი 1700 ლარით დაჯარიმდა. ასევე 1500 ლარით დაჯარიმდა კიდევ ერთი აქტივისტი - დათო დიღმელაშვილი.
გაუქმდეს 5-დღიანი კარანტინი ოკუპირებულ ტერიტორიაზე მცხოვრები ქართველებისთვის - ამ მოთხოვნით "მოძრაობა საქართველოს" წევრებმა აფხაზეთის ავტონომიური რესპუბლიკის მთავრობის წინ აქცია 12 აპრილს გამართეს.
მას შემდეგ კი რაც აქტივისტები შენობაში არ შეუშვეს, ადგილზე დაპირისპირება მოხდა, რასაც მათი დაკავება მოჰყვა.
იხილეთ ვრცლად:
გაუქმდეს 5-დღიანი კარანტინი - აქცია და დაპირისპირება აფხაზეთის მთავრობასთან
