შსს: პოლიციელმა პირს, ციხიდან შვილის გამოშვების სანაცვლოდ ფული მოსთხოვა
გამოქვეყნდა:
შინაგან საქმეთა სამინისტროს ინფორმაციით, თაღლითობის მცდელობის ბრალდებით, სასაზღვრო პოლიციის თანამშრომელი, 1985 წელს დაბადებული დ.ა. დააკავეს.
"გამოძიებით დადგინდა, რომ ბრალდებულმა ერთ-ერთს მოქალაქეს პატიმრობაში მყოფი შვილის ციხიდან გათავისუფლების სანაცვლოდ, მოტყუებით მოსთხოვა ფული.
სამართალდამცველებმა ბრალდებულის პირადი ჩხრეკის შედეგად ნივთმტკიცების სახით ამოიღეს თაღლითური გზით დაუფლებული თანხა", - წერია უწყების განცხადებაში.
თაღლითობის მცდელობის ფაქტებზე გამოძიება საქართველოს სისხლის სამართლის კოდექსის 19-180-ე მუხლის მესამე ნაწილით მიმდინარეობს. დანაშაული 6-დან 9 წლამდე ვადით თავისუფლების აღკვეთას ითვალისწინებს.
