დაზიანებები მაქვს, ოთახში ვიყავი ჩაკეტილიო - პატიმარი ოჯახს შველას სთხოვს
გამოქვეყნდა:
პატიმარი ფრიდონ კახაძე ოჯახს შველას სთხოვს. იგი ნათესავებს გუშინ ტელეფონით დაუკავშირდა და უთხრა, რომ პრობლემები და დაზიანებები აქვს. პატიმარი უკვე 3 თვეა ქუთაისის მეორე პენიტენციურ დაწესებულებაში იმყოფება.
ფრიდონ კახაძის ცოლის თქმით, სახაზინო ადვოკატმა დახმარებაზე უარი უთხრა და ოჯახი ახლა შველას არასამთავრობო ორგანიზაციებს სთხოვს.
"დღეს დილით დამირეკა, რატომ არ მირეკავდი-მეთქი. მითხრა, დაზიანებები მაქვს, ოთახში ვიყავი ჩაკეტილიო, თუ რამე მოხდება ამათი ბრალი იქნებაო. ზეწოლაა მასზე, რადგან აღიაროს რაც არ ჩაუდენია ის, ყველა მივმართავ ბოლომდე ვიბრძოლებ, მინდა, რომ სამართლიანად მოექცნენ",- ამბობს კახაძის ოჯახის წევრი.
ცნობისთვის, კახაძე ძარცვის ბრალდებითა დაკავებული.
