წყალტუბოში, კომენდანტის დროს სასტუმრო "არგოში" შეიჭრნენ - ნაცემია ერთ-ერთი მეპატრონე
გამოქვეყნდა:
ვანდალიზმი წყალტუბოში - სასტუმრო "არგოში" კომენდანტის საათის დროს უცნობი პირები სასტუმროში შეიჭრნენ. ქვებით ჩამტვრეულია შუშები, დაზიანებულია ინფრასტრუქტურა. გარდა ამისა, ნაცემია სასტუმროს ერთ-ერთი მეპატრონე.
"მე დამირეკეს 4-ის ნახევარზე, შემთხვევა მოხდა, გამოვიქცეი, აქ დამხვდა ჩოჩქოლი, აურზაური, დაზარალებული ჩემი შვილილშვილია, სასწრაფომ გადაიყვანა ქუთაისში. [...] დიდი ხათრით, თორემ ალბათ გაუშვებდნენ, დაიწყეს დაკავება.
როგორც ჩანს კარი ვერ გააღეს, აიღეს დეკორატიული დიდი ქვები დაიწყეს ჩამტვრევა, 15 მეტრი რადიუსში ყველა შუშა გატეხილია, შეიჭრნენ შიგნით, შევარდნენ ადმინისტრატორის ოთახში და დაუწყეს ცემა ახალგაზრდა კაცს", - ამბობს სასტუმროს ადმინისტრაციის წარმომადგენელი.
მისი თქმით, სავარაუდოდ, ნასვამი პირების გაღიზიანება ხმაურსა და უწესრიგობაზე მიცემულმა შენიშვნამ გამოიწვია.
ეს პირველი შემთხვევა არაა, როცა სასტუმრო ზარალდება.
