ოკუპანტების ტყვეობაში მყოფი ზაზა გახელაძის მამა, მიშა გახელაძემ საოკუპაციო ხაზს მიღმა გადაიფიქრა. მისი თქმით, ითვალისწინებს პატრიარქის თხოვნას და ხელისუფლებას მისი შვილის უკან დასაბრუნებლად ერთ თვიან ვადას აძლევს.
ოჯახი დღეს საოკუპაციო ხაზთან მშვიდობიან აქციას მაინც გამართავს. ისინი რამდენიმე საათში კასპში, ქვემო ჭალაში შეიკრიბებიან და მსვლელობით ცენტრალური მაგისტრალისკენ გადაინაცვლებენ.
ადგილზე დილიდან სამართალდამცავების განსაკუთრებული მობილიზებაა.
შეგახსენებთ, რომ ზაზა გახელაძე 11 თვეზე მეტია, რაც პატიმრობაში რჩება, დეფაქტო ცხინვალის ხელისუფლებამ და მას დაქვემდებარებულმა ე.წ. სასამართლომ მას 12 წლითა და 6 თვით თავისუფლების აღკვეთა მიუსაჯა. ხელისუფლებამ დაპირებების მიუხედავად, ზაზა გახელაძის გათავისუფლება ვერ შეძლო. ამავე თემაზე:
