ოთარ ფარცხალაძის ძმა დაკავებულია - რა ვითარებაში დააკავეს თორნიკე ფარცხალაძე, უცნობია. შსს-ს მოქმედი თანამშრომელი დიდი ოდენობით ნარკოტიკული ნივთიერების შეძენა-შენახვის ბრალდებით დააკავეს.
"მთავარი არხის" გადამღები ჯგუფი ფარცხალაძეების საცხოვრებელ სახლთან მივიდა, თუმცა, მათი ოჯახი მედიასთან კომენტარს არ აკეთებს. მას შემდეგ, რაც ფარცხალაძის დედამ მის საცხოვრებელ სახლთან "მთავარის" კამერა შენიშნა, ის გარეთ აღარ გამოსულა.
თორნიკე ფარცხალაძის მეზობლების ინფორმაციით, ის ოჯახში რამდენიმე დღის წინ იმყოფებოდა. თუმცა, მისი დაკავების შესახებ მეზობლებს ინფორმაცია არ აქვთ.
თორნიკე ფარცხალაძეს საქალაქო სასამართლომ აღმკვეთის ღონისძიების სახით წინასწარი პატიმრობა გუშინ საღამოს მას შემდეგ შეუფარდა, რაც მისი დაკავების შესახებ ინფორმაცია "მთავარმა" გაასაჯაროვა.
